Yettinchi kun

Taniqli Xitoy yozuvchisi Yu Hua qalamiga mansub "Yettinchi kun" romani o'limdan keyingi hayot orqali jamiyatning og'riqli nuqtalarini ochib beradi. Qahramon Yang Fey vafot etgach, qabristondan joyi bo'lmagani uchun narigi dunyoga o'ta olmay, ruhlar orasida yetti kun sargardon bo'ladi. Bu sarsonlik davomida u o'z o'tmishi va turli fojialar qurboni bo'lgan insonlar bilan to'qnashadi. Muallif qahramon xotiralari orqali ijtimoiy tengsizlik, qashshoqlik va adolatsizliklarni achchiq kinoya bilan tasvirlaydi. O'quvchi asar orqali inson qadri va hayotning asl mohiyati haqida chuqur xulosalar oladi.