Abdulhamidxon: Yashirin tarix haqiqatlari

Kitob haqida

Tarix-faqat shu fan sohasining emas, balki millatning har bir vakiliga birdek daxldordir. Sobiq sho‘ro davrida tariximizning juda ko‘p sahifalari yopib qo‘yildi. Haqiqat esa yosh boladek nimani berkitib qo‘ysang, shuni izlab topadi. Mahoratli turk adibi Talha Ugurluelning uzoq yillik izlanishlari mahsuli bo‘lgan qo‘lingizdagi ushbu kitob, Usmoniylar saltanatining so‘nggi hukmdori Abdulhamidxon II ning hayoti va faoliyati tarixiy hujjatlar asosida yozilgan eng ishonchli manbadir. Insof ko‘z oynagidan qaralganda o‘ttiz yildan oshiqroq davlat idora qilgan Abdulhamidxon davrida eng og‘ir jazo hisoblangan o‘lim hukmi faqatgina besh marotaba qayd etilgan. Bu esa o‘z navbatida g‘arb adabiyoti hamda g‘arbsevarlar taʼriflagan qizil sulton emas, aksincha “Qamar sulton” nomi munosibligiga kifoya qiladi. Abdulhamidxon, avvalo, xalqlar birligi- ini saqlab qolishga urindi. Millatning kelajagi, uning mavqei uchun hayotining so‘ngi kunlarigacha kurashdi. Xulosa qilib aytganda kitobni o‘qish davomida, haqiqat va xurofot manzillari ayro bo‘lishiga o‘zingiz guvoh bo‘lasiz.