Zukkolar va landavurlar

Malkolm Gladuellning ushbu kitobida muvaffaqiyat cho'qqisiga chiqqan insonlar nima sababdan boshqalardan ajralib turishi tahlil qilinadi. Muallif yutuqlar faqat shaxsiy mehnat yoki tug'ma iqtidor mahsuli emasligini, balki inson tug'ilgan davr, atrof-muhit, madaniy ildizlar va kutilmagan imkoniyatlar ham hal qiluvchi o'rin tutishini tadqiqotlar vositasida ko'rsatib beradi. Mashhur jurnalist Gladuell Bill Gets, «Beatles» guruhi va professional sportchilar hayotidan misollar keltirib, ma'lum sohada mahoratga erishish uchun zarur 10 000 soatlik qoida tushunchasini izohlaydi. Asar natijaga erishish va inson salohiyatini baholashga yangicha nigoh bilan qarashga yordam beradi.