Yo'l

Kitob haqida

Kitob haqida Zamonaviy amerika adabiyotining eng muhim yozuvchilaridan biri sanalgan, ko‘pincha Herman Melvill va Uilyam Folkner kabi usta yozuvchilar bilan taqqoslanadigan Kormak Makkarti o‘z ijodiy faoliyati davomida janubiy gotika, vestern va postapokaliptik janrlarda yaratgan ko‘plab asarlari bilan Pulitzer, National Book, National Book Critics Circle hamda MacArthur Fellowship kabi nufuzli mukofotlarga sazovor bo‘lgan. 2009-yilda film sifatida sur'atga olingan, Pulitzer mukofotiga sazovor “Yo‘l” romani esa zamonaviy adabiyotning eng muhim namunalaridan biridir. Bir ota va o‘g‘il kulga aylangan Amerika ko'chalari bo‘ylab hech qachon tugamaydigandek tuyulgan bir safarga chiqishadi. Ularning maqsadi — yo‘l oxirida, ehtimol, hech kim kutmayotgan, lekin baribir yetib borishni orzu qilgan qirg‘oqqa yetishishdir. Shamolda uchayotgan kulrang kul butun olamni qoplagan, hayotning o‘zi so‘nib borayotgandek. Bu vayronalikdan keyingi safarda ularning bor-yo‘g‘i o‘zlarini himoya qilish uchun bitta to‘pponcha, talon-toroj qilib topgan ozgina oziq-ovqat va bir-birlaridir. Hech qanday umid qolmagan bir kelajakda ota va o‘g‘ilning tirik qolish uchun kurashini hikoya qiluvchi “Yo‘l” — yakuniy halokat, umidsiz jasorat va shunga qaramay yo‘qolmaydigan mehr haqida yozilgan haqiqiy durdona asardir.