Yarim million dollarlik qilmish

Mafiya haqida shov-shuvli maqola yozmoqchi boʻlgan yosh jurnalistning hayoti kutilmaganda oʻzgarib ketadi. Unga kimsan, politsiya komissari pora taklif qiladi. Soddadil Garri Barber bunday siylovni rad etib, boshiga tashvish orttiradi. Natijada iblisona tuhmat va nohaq ayblov tufayli panjara ortiga tushadi... Qamoqxonadan oʻzgacha inson boʻlib chiqqan jurnalist tirikchilik vajidan nogoh oʻgʻrilikka qoʻl uradi. Aslida bu chiroyli tuzoq edi. Garri yarim million dollarlik kelishuvga koʻnishga majbur boʻladi. Sirli qotillik, bir- biridan tushuniksiz hodisalar, goʻzal xonimning aralashuvi voqealarni yanada chuqurlashtirib yuboradi... Oʻtkir syujetga boy mazkur kitob detektiv ishqibozlariga manzur boʻladi, degan umiddamiz.