Umr oqshomidagi nur

Hikoyalarda qamrab olingan mavzu va g'oyalar, jumladan, odamiylik, inson farzandining o'z kindik qoni to'kilgan zaminga qanchalik bog'liqligi, oddiy qishloq ahlining yashash tarzi, otalik yoki farzandlik burchi, hayot charxpalagi ayovsizligi, urush iztiroblari-yu, asorati, tinchlikning qadriga yetish tuyg'usi, musofirlik mashaqqatlari, har qanday vaziyatda ham g'ururni yo'qotmaslik, boqiy tuyg'u - sevgi-muhabbat sehri mutolaa ixlosmandlariga zavq0u shavq bag'ishlash barobarida, o'quvchini tiriklik mohiyati haqida fikrlashga ham undaydi. Muhimi, har bir hikoyada hayot yuki, inson qismati ifodalanadi, ular ravon o'qiladi, kutilmagan yechim zamiridagi xulosa kitobxon qalbini hayajonga soladi.