Shamolni bo'ysundirgan bola

Kitob haqida

Qashshoqlik va ocharchilik hukm surgan qishloqda ulg‘ayayotgan bir bola shamol kuchidan foydalanib butun qishlog‘ining hayotini o‘zgartira oladimi? Uilyam Kamkvamba o‘zining haqiqiy hayotiga asoslangan ushbu kitobda Malavidagi og‘ir sharoit, qurg‘oqchilik sabab maktabni tark etishga majbur bo‘lgani va shunga qaramay bilimga bo‘lgan qiziqishini yo‘qotmagani haqida hikoya qiladi. U eski kitoblar, temir-tersak buyumlar va oddiy vositalar yordamida shamol tegirmoni yasashga bel bog‘laydi. Bu oddiy qurilma esa nafaqat uning oilasiga, balki butun qishloqqa umid va imkoniyat olib keladi. Asar qiyinchiliklar qarshisida taslim bo‘lmaslik, bilim va qiziqish inson taqdirini qanday o‘zgartirishi mumkinligini ko‘rsatadigan ilhomli hikoyadir.