Sajdada orom bor

Sajda bandaning Alloh taologa muhtojligini, kamtarligini izhor etishning eng yuqori nuqtasidir. Chunki inson sajdada eng sharafli, aziz a’zosi bo‘lmish boshini yerga qo‘yadi. Allohga sajda qilish ne’mati nimaligini bilasizmi? Mushriklar yerga sajda qilishni yomon ko‘rishar edi. “Sajda qilsam, ortim boshimdan ko‘tarilib qoladi”, deyishardi. Ba’zilari bir siqim tuproqni peshonalariga surtib, “Mana shu men uchun kifoya qiladi”, derdilar. Iblis ham sajdadan bo‘yin tovladi va la’natga uchradi. Kibrni yengishning birinchi yo‘li sajdadir. Allohga yaqinlashishning yo‘li sajdadir!