Qizil ajdarho (Yangi asr avlodi)

Amerikalik yozuvchi Tomas Harrisning ushbu psixologik trilleri daho psixiatr va ayovsiz qotil doktor Gannibal Lekter obrazi ilk bor namoyon bo'lgan asardir. Syujet markazida FBRning maxsus analitigi Uill Grem turadi. U jinoyatchilarning fikrlash tarzini aniq tahlil qilish va ularning qiyofasiga kirish orqali murakkab qotilliklarni fosh etadi. Grem "Tish parisi" laqabi bilan tanilgan shafqatsiz seriyali qotilni tutish uchun panjara ortidagi Lekter ko'magiga murojaat qilishga majbur bo'ladi. Asar o'quvchiga kriminalistika usullari, kriminologik profil tuzish va inson ruhiyatining qorong'u qatlamlari haqida atroflicha tasavvur beradi.