Hayot chizig'i

Odamzod shunchalik quvvat, energiyaga boyki, ulardan foydalana olsa, xazinaning o‘zi bo‘ladi-qoladi. Sababi bu aytayotgan boyliklarni to‘g‘ri yo‘lga sarflash orqali inson misli ko‘rilmagan yutuqlarga, zafarlarga yetishi mumkin. Bugunimizgacha yetib kelgan, o‘zining mashhurligi, donoligi, zakovati-yu ziyrakligi bilan dovruq qozonganlar ham mana shu omil orqali tanilganlar. Qolaversa, yana bir xislat ularni boshqalardan ajratib turadi. U ham bo‘lsa, bularning hayot chizig‘ini to‘g‘ri chiza bilganliklaridir. Egrilikdan qochib, samimiyat ila dunyodan o‘tganlaridir. Ushbu kitob maqsadlaringizni to‘g‘ri belgilashda, ishlaringiz rivoji sari intilishingizda asqatadi, degan umiddamiz. Zero, hayotingiz to‘g‘ri shakllansa, uning yo‘llari ham, chorrahalari ham sizning manfaatingizga xizmat qiladi.