Подробнее

Shaharda yirik bir inju haqida - uni qanday topib olganlari hamda qay taxlit undan judo bo'lganlari to'g'risida so'zlaydilar. Marvarid izlovchi Kino, xotini Xuana va ularning farzandi Koyotito borasida hikoya qiladilar. Bu voqea haqidagi gaplar og'izdan og'izga o'tib, juda tez tarqalgan va odamlar ongiga mustahkam o'rnashib qolgan. Ko'p marta takrorlangan, kishilar dilidan joy olgan barcha voqealardagi kabi bunda ham aslo mo'tadil tus yo'q. Faqat yaxshi va yomon, faqat nur va zulmat, qora va oq ranglargina mavjud.Mabodo bu voqea rivoyat bo'lsa, har kim uni o'zicha tushunib, balki o'ziga tegishli xulosa chiqarar. Harqalay, shaharda quyidagilar haqida hikoya qiladilar.