Batafsil

Oltin Silsila Sahihi Muslim 5

Kitob nima haqida?

“Sahihi Muslim” kitobining uchinchi qismi 14 ta boʻlimni oʻz ichiga oladi. Ular quyidagi mavzulardan iborat: qurbonliklar kitobi; ichimliklar kitobi; taomlar kitobi; libos va ziynat kitobi; salomlashish kitobi; odobga oid va boshqa lafzlar kitobi; sheʼr kitobi; tushlar kitobi; fazilatlar kitobi; sahobalar roziyallohu taolo anhumning fazilatlari. Ushbu kitobni oʻqir ekansiz, u orqali yuqoridagi mavzular yuzasidan keltirilgan sahih hadislar bilan tanishib, maʼlumotga ega boʻlasiz. Kitobda hadislar dastlab arab tilida berilgan va soʻngida sharhi ham keltirilgan.

Bu kitobdan quyidagi savollarga javob topasiz:

• Xamr bilan davolash joizmi?
• Yeyish va ichishning qanday odoblari mavjud?
• Taom sohibi chaqirgan kishiga boshqalar ham ergashsa, mehmon nima qiladi?
• Madina xurmosi qanday fazllarga ega?
• Namat tutish joizmi?
• Ichish va boshqa ishlarda tilla yoki kumush idishdan foydalanish joizmi?
• Qanday ismlarni qoʻyish joiz emas?
• Salomga alik olish qanday amal?
• Narda oʻynash qanday amal?
• Tushida shayton oʻynashganini bilsa, nima qilish kerak?
• Kasalga ruqiya qilish qanday amal?
• Ogʻizdan dori quyib davolash joizmi?
• Sahobalar qanday fazilatlarga ega boʻlishgan?

Bu kitobdan quyidagilar haqida bilib olasiz:

• qurbonliklarni yeyish haqida;
• qurbonlik qilmoqchi boʻlgan odam zulhijjaning 10 kunligi kirganda tirnogʻini olishdan qaytarilgani;
• xamr bilan davolanish harom qilinganligi;
• achib ketmagan, xamrga aylanib qolmagan nabizning mubohligi;
• yeyish va ichish odoblari;
• oila uchun xurmo va shu kabi yeguliklarni jamlab qoʻyish;
• mehmonni ikrom qilish;
• kiyimlarga mahliyo boʻlib, kibrlanib yurishning harom qilingani;
• begona ayol bilan yolgʻiz qolish hamda uning oldiga kirish harom qilingani;
• duo qilayotgan ogʻriyotgan joyga qoʻlni qoʻyishning mustahabligi;
• vabo, tirya, kohinlik va shu kabilar;
• chumolini oʻldirishdan qaytarilganligi;
• mushk ishlatish;
• tushlarni taʼbir qilish;
• U zot sollallohu alayhi vasallamning ummatlariga rahm-shafqatlari va ularni zararli narsalar;
• sahobalarning fazilatlari.

Qo‘shimcha ma’lumotlar

Muqova:

Qattiq

Sahifalar soni:

642

Hajmi:

17*25

Vazn:

1071